Hey, schön dass do besch :)
Wennd of dere Siite glandet besch, denn stohsch wahrschinli grad voreme Bild vo mer, oder du hesch eifach os Neugier mol de QR-Code gscannt. Wie au emmer du do häre gfonde hesch: Ich danke dir für dini Ziit und Ufmerksamkeit.

Was du do gsehsch esch meh as nome Farb, es esch en Prozäss, roh, ehrlich, oft au schmärzhaft und en Versuech, mech ond d Wält es betzli besser z verstoh, und das sichtbar z mache wo normalerwiis hender minere ruhige Art störmt.

Mängisch eschs Konst, mängisch Therapie, aber eigentlich emmer beides zuglich.

Wenn lost hesch mech z onterstötze, denn wördi mi freue wenn eine vo mine limitierte Konstdröck chaufsch!
Vo jedem Bild gets nome 10 Stöck ond sie wärde en Schönewerd be Gautschi Editions drockt.

Bem Merchstand hets 2 Exemplar, det chasch der es Bild mache :)

Wenn eine chaufsch vergess ned de Rabattcode TorTech2025 ihzgäh, zor fiir vom höttige Tag, zor fiir vo de Unendlichkeit vode Existänz.
In Farb, Schatte und Verbundeheit
Matthias - mephci